ԵՐԵՎԱՆ, 20 ՓԵՏՐՎԱՐԻ, ՆՈՅՅԱՆ ՏԱՊԱՆ: «Զվարթնոց» օդանավակայանի մաքսային կետի տնօրեն Կարեն Ջանոյանը եւ անձնակազմը օրերս հեռացվել են աշխատանքից: Ինչպես «ՆՈՅՅԱՆ ՏԱՊԱՆ»-ի թղթակցին հայտնի դարձավ հավաստի աղբյուրներից, աշխատանքից նրանց հեռացման պատճառը եղել է ապրանքների անօրինական ներկրումը: Ի պատասխան «ՆՈՅՅԱՆ ՏԱՊԱՆ»-ի հարցման, ՀՀ Մաքսային պետական կոմիտեից կատարվածի մասին խոստացան մանրամասն տեղեկություններ տրամադրել առաջիկայում:

---