ԼԻՆԱՐԵՍ, 27 ՓԵՏՐՎԱՐԻ, ՆՈՅՅԱՆ ՏԱՊԱՆ: Լինարեսում անցկացվող շախմատի միջազգային գերմրցաշարում Լեւոն Արոնյանը փետրվարի 26-ին հերթական պարտությունը կրեց, այս անգամ` Վասիլի Իվանչուկից (Ուկրաինա): 7 հնարավորից վաստակելով 3,5-ական միավորով Լ.Արոնյանը Վիշվանաթան Անանդի (Հնդկաստան) հետ բաժանում է 4-5-րդ տեղերը: Մրցաշարի միանձնյա առաջատարը Ալեքսանդր Գրիշչուկն է (Ռուսաստան, 5 միավոր): Փետրվարի 27-ին մրցաշարում խաղադադար է հայտարարված, իսկ փետրվարի 28-ին Լ.Արոնյանը սեւերով կմրցի Մագնուս Կառլսենի (Նորվեգիա) հետ:

---