ԵՐԵՎԱՆ, 25 ՀՈՒՆՎԱՐԻ, ՆՈՅՅԱՆ ՏԱՊԱՆ: «Բնության հատուկ պահպանվող տարածքների մասին» եւ «Պետական ոչ առեւտրային կազմակերպությունների մասին» ՀՀ օրենքներին համապատասխան, հունվարի 25-ի նիստում ՀՀ կառավարությունը որոշում է ընդունել Արարատի մարզի Փոքր Վեդի գյուղական համայնքի վարչական սահմաններում գտնվող, պետական սեփականություն հանդիսացող 50,28 հա խոնավ տարածքում ստեղծել «Խոր Վիրապ» պետական արգելավայր` ներառելով այն «Միջազգային նշանակություն ունեցող, հիմնականում որպես ջրային թռչունների բնակավայր, խոնավ տարածքների մասին» կոնվենցիայի Միջազգային նշանակության խոնավ տարածքների ցանկում: Ըստ ՀՀ կառավարության Տեղեկատվության եւ հասարակայնության հետ կապերի վարչությունից «ՆՈՅՅԱՆ ՏԱՊԱՆ»-ին տրամադրած հաղորդագրության, որոշումն ընդունվել է խոնավ տարածքի էկոհամակարգի, դրա բաղադրիչների, բուսական ու կենդանական տեսակների պահպանությունը, բնականոն զարգացումը, վերարտադրությունն ու կայուն օգտագործումը ապահովելու նպատակով:

---