ՎԱՇԻՆԳՏՈՆ, 27 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: ԱՄՆ-ում 93 տարեկան հասակում վախճանվել է այդ երկրի նախկին եւ չընտրված նախագահ Ջերալդ Ֆորդը: Այս տարի Ջ.Ֆորդը բուժվում էր թոքաբորբից եւ սրտի հիվանդություններից: Ջ.Ֆորդը ԱՄՆ-ի նախագահ է եղել 1974-1976 թվականներին: Նախագահ նա դարձավ այն բանից հետո, երբ հայտնի Ուոթերգեյթյան գործից հետո հրաժարական տվեց Ռիչարդ Նիքսոնը: Ջ.Ֆորդի կառավարման ժամանակ ավարտվեց Վիետնամի պատերազմը: 1976 թվականին նա իր թեկնածությունն առաջադրեց, սակայն պարտվեց Ջիմի Քարտերին,- հաղորդում է «Նովոստի» գործակալությունը:

---