ԵՐԵՎԱՆ, 6 ՆՈՅԵՄԲԵՐԻ, ՆՈՅՅԱՆ ՏԱՊԱՆ: ՀՀ Գիտությունների ազգային ակադեմիայի նախագահության նոյեմբերի 3-ի նիստում հաստատվել են 4 գիտահետազոտական կազմակերպությունների տնօրենների թեկնածությունները: ՀՀ ԳԱԱ-ի Արեւելագիտության ինստիտուտի տնօրենի պաշտոնում հաստատվել է Ռուբեն Սաֆրաստյանը, Հնագիտության եւ ազգագրության ինստիտուտի տնօրենի պաշտոնում` Պավել Ավետիսյանը, ՀՀ ԳԱԱ-ի հիմնարար գիտական գրադարանի տնօրենի պաշտոնում` Տիգրան Զարգարյանը: Ցեղասպանության թանգարան -ինստիտուտի տնօրենի պաշտոնի համար առաջադրվել էր 4 թեկնածու` Հայկ Դեմոյանը, Երանուհի Մարգարյանը, Վարուժան Պողոսյանը եւ Տիգրան Սարուխանյանը: Ինչպես «ՆՈՅՅԱՆ ՏԱՊԱՆ»-ին հայտնեցին ՀՀ ԳԱԱ-ի Լրատվական ծառայությունից, ձայների 8 կողմ, 1 դեմ եւ 1 ձեռնպահ հարաբերակցությամբ տնօրենի պաշտոնում հաստատվել է Հայկ Դեմոյանը:

---