ՔՆՆԱՐԿՎԵԼ ԵՆ ԱԴՐԲԵՋԱՆԻ ԵՎ ՆԱՏՕ-Ի ՀԱՄԱԳՈՐԾԱԿՑՈՒԹՅԱՆ ՀԱՐՑԵՐԸ
09-10-2006 17:37:00 | Ադրբեջան | Միջազգային
ԲԱՔՈՒ, 9 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Համագործակցության
զարգացման հարցերն են քննարկվել հոկտեմբերի 9-ին Բաքվում Հարավային
Կովկասի եւ Միջին Ասիայի երկրներում ՆԱՏՕ-ի գլխավոր քարտուղարի
հատուկ ներկայացուցիչ Ռոբերտ Սիմոնսի հետ Ադրբեջանի նախագահ Իլհամ
Ալիեւի հանդիպման ժամանակ:
Ինչպես հաղորդում է «Թրենդը», դիվանագետը փոխանցել է ՆԱՏՕ-ի
գլխավոր քարտուղար Յաապ դե Հոոպ Սխեֆերի ողջույնները եւ
գոհունակություն հայտնել «Անհատական գործընկերության
գործողությունների պլանի» շրջանակում երկկողմ համագործակցության
ընդլայնման առնչությամբ: