ՀԵՐՑԵԳ ՆՈՎԻ, 18 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Սեպտեմբերի 17-ին Հերցեգ Նովիում անցկացվող շախմատի Եվրոպայի պատանեկան առաջնությունում կայացան 7-րդ փուլի հանդիպումները: Հայաստանի ներկայացուցիչներից 7-ը հաղթանակ տարան, 6-ը` պարտություն կրեցին, իսկ 4-ը իրենց պարտիաներն ավարտեցին ոչ-ոքի արդյունքով: Հայ շախմատիստներից լավագույն հնգյակում է միայն 14-ամյա Սամվել Տեր-Սահակյանը (7 հնարավորից 5,5 միավոր): 5-ական միավորով իրենց տարիքային խմբերում լավագույն տասնյակում են ընդգրկված Ռոբերտ Հովհաննիսյանը (16տ), Սամվել Անդրեասյանը (18տ) եվ Սուսաննա Գաբոյանը(10տ): Առաջնության ավարտին մնացել է 2 փուլ:

---