ՀՀ-ՈՒՄ ԳՐԱՆՑՎԱԾ ԻՐԱՎԱԲԱՆԱԿԱՆ ԱՆՁԱՆՑ ԹԻՎՆ ԱՃԵԼ Է 1074-ՈՎ,
ԻՍԿ ԱՆՀԱՏ ՁԵՌՆԱՐԿԱՏԵՐԵՐԻՆԸ` ՆՎԱԶԵԼ Է 5604-ՈՎ
14-09-2006 18:00:00 | Հայաստան | Տնտեսություն
ԵՐԵՎԱՆ, 14 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: ՀՀ Արդարադատության
նախարարության Իրավաբանական անձանց եւ անհատ ձեռնարկատերերի
պետական ռեգիստրի գործակալության տվյալներով, այս տարեսկզբից
գրանցվել է 1752 իրավաբանական անձ եւ 4791 անհատ ձեռնարկատեր
(ներառյալ ընտանեկան ձեռնարկությունները), որոնց ընդհանուր թիվը,
2006թ.-ի օգոստոսի 1-ի դրությամբ, կազմել է, համապատասխանաբար, 53
հազար 220 եւ 64 հազար 687: ՀՀ Ազգային վիճակագրական ծառայության
տվյալներով, 2005թ.-ի օգոստոսի 1-ի դրությամբ, գրանցված է եղել 52
հազար 146 իրավաբանական անձ եւ 70 հազար 291 անհատական
ձեռնարկություն:
2006թ.-ի ընթացքում լուծարվել է 947 իրավաբանական անձ եւ 11
հազար 765 անհատ ձեռնարկատեր:
2006թ.-ի ընթացքում գրանցված 1752 իրավաբանական անձինք
կատարել են մոտ 13 մլրդ 401 մլն դրամի (ավելի քան 30,45 մլն ԱՄՆ
դոլար) ներդրումներ: Միայն օտարերկրյա իրավաբանական անձանց եւ
քաղաքացիների կողմից հիմնադրված ձեռնարկություններում կատարվել են
666,43 մլն դրամի ներդրումներ, իսկ 87 համատեղ
ձեռնարկություններում` 334,77 մլն դրամի ներդրումներ: