ՀԱՅԱՍՏԱՆԻ ԳՐՈՂՆԵՐԻ ՄԻՈՒԹՅՈՒՆԸ ԻՐԱՆԻ ՄՇԱԿՈՒՅԹԻ ԿԵՆՏՐՈՆԻ ՀԵՏ
ՀԱՄԱՏԵՂ ՄԻՆՉԵՎ ՏԱՐԵՎԵՐՋ ԿԱՆՑԿԱՑՆԻ ՄԻ ՇԱՐՔ ՄԻՋՈՑԱՌՈՒՄՆԵՐ
08-09-2006 18:35:00 | Հայաստան | Մշակույթ
ԵՐԵՎԱՆ, 8 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ - ՀԱՅԵՐՆ ԱՅՍՕՐ:
Հայաստանի Գրողների միությունը Իրանի Մշակույթի կենտրոնի հետ
համատեղ մինչեւ տարեվերջ կիրականացնի մի շարք միջոցառումներ: Այս
մասին հայտնեց Գրողների միության նախագահ Լեւոն Անանյանը
սեպտեմբերի 8-ին պարսիկ բանաստեղծ եւ թարգմանիչ Ահմադ Նուրիզադեի
գրական գործունեության 40-ամյակին նվիրված միջոցառմանը: Նա նշեց,
մասնավորապես, որ հոկտեմբերի վերջին Մեղրիի կամրջի վրա
կկազմակերպվի Իրան-Հայաստան բարեկամության տոնը, իսկ նոյեմբերի
առաջին կեսերին հայ գրողները կայցելեն Թեհրան եւ Սպահան:
«Նախատեսվող բոլոր միջոցառումներն ավելի կսերտացնեն երկու երկրների
բարեկամական հարաբերությունները»,- վստահ է Լեւոն Անանյանը: