ԿՈՄԻՏԱՍԻ ԱՆՎԱՆ ԿՈՆՍԵՐՎԱՏՈՐԻԱՅԻ ՆՎԱԳԱԽՈՒՄԲԸ ԿՄԱՍՆԱԿՑԻ
ՄՈՍԿՎԱՅՈՒՄ ԿԱՅԱՆԱԼԻՔ «ՍՊԻՎԱԿՈՎԸ ՀՐԱՎԻՐՈՒՄ Է ԸՆԿԵՐՆԵՐԻՆ»
ՓԱՌԱՏՈՆԻՆ
25-05-2006 19:15:00 | Հայաստան | Մշակույթ
ԵՐԵՎԱՆ, 25 ՄԱՅԻՍԻ, ՆՈՅՅԱՆ ՏԱՊԱՆ: Երեւանի Կոմիտասի անվան
պետական կոնսերվատորիայի նվագախումբը կմասնակցի մայիսի 28-ին
Մոսկվայում կայանալիք «Սպիվակովը հրավիրում է ընկերներին»
փառատոնին: Հրավերը ստացվել է Ռուսաստանի ազգային սիմֆոնիկ
նվագախմբի գլխավոր դիրիժոր, «Մոսկվայի վիրտուոզները» նվագախմբի
հիմնադիր, ջութակահար Վլադիմիր Սպիվակովի կողմից:
Ինչպես «ՆՈՅՅԱՆ ՏԱՊԱՆ»-ի թղթակցին հայտնեցին
կոնսերվատորիայից, փառատոնին կմասնակցեն չորս տասնյանկից ավելի
երկրների երաժիշտներ: Նրանց մեծ մասը Սպիվակովի անվան հիմնադրամի
կրթաթոշակառուներ են: Կոմիտասի անվան կոնսերվատորիայի նվագախմբի
անդամները ժամանակին նույնպես եղել են հիմնադրամի
կրթաթոշակառուներ: