ՖՐԱՆՍԱՀԱՅ ԲԱՐԵՐԱՐԸ ԿՇԱՐՈՒՆԱԿԻ ՕԺԱՆԴԱԿՈՒԹՅՈՒՆ ՑՈՒՑԱԲԵՐԵԼ
ՂԱՐԱԲԱՂԻ ՇԵԽԵՐ ԳՅՈՒՂԱԿԱՆ ՀԱՄԱՅՆՔԻՆ
14-04-2006 18:15:00 | Հայաստան | Հասարակություն
ՍՏԵՓԱՆԱԿԵՐՏ, 14 ԱՊՐԻԼԻ, ՆՈՅՅԱՆ ՏԱՊԱՆ: ԼՂՀ նախագահ Արկադի
Ղուկասյանի հետ ապրիլի 13-ի հանդիպմանը ֆրանսահայ բարերար Կարպիս
Նիկողոսյանը ներկայացրել է 2002թ.-ին Մարտունու շրջանի Շեխեր
գյուղում իր եւ Նիկոլ Նիկողոսյանի միջոցներով կառուցված միջնակարգ
դպրոցը մոտ ապագայում առանձին մարզադահլիճով ապահովելու ծրագրը:
Բարերարը նաեւ տեղեկացրել է նախագահին գյուղում կրթական եւ
մարզա-մշակութային կյանքի զարգացմանն ուղղված հեռանկարային մի շարք
ծրագրերի մասին: Կ.Նիկողոսյանը հավաստիացրել է, որ կշարունակվի
նաեւ բուհ ընդունված շրջանավարտների համար սահմանված կրթաթոշակների
ծրագիրը:
Ա.Ղուկասյանը ողջունել է բարերարի ձեռնարկումները եւ նշել, որ
իշխանություներն իրենց հերթին պատրաստ են անհրաժեշտ աջակցությունը
ցուցաբերել ազգանպաստ նման ծրագրերի իրականացմանը: