«ՆԱՐԵԿԱՑԻ» ԱՐՎԵՍՏԻ ՄԻՈՒԹՅՈՒՆԸ ԿԿԱԶՄԱԿԵՐՊԻ ԵՐԻՏԱՍԱՐԴ
ՍՏԵՂԾԱԳՈՐԾՈՂՆԵՐԻ ՄՐՑՈՒՅԹ
25-10-2005 15:15:00 | Հայաստան | Մշակույթ
ԵՐԵՎԱՆ, 25 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: «Նարեկացի» արվեստի
միության նախաձեռնությամբ կանցկացվի երիտասարդ ստեղծագործողների
մրցույթ` ժամանակակից դասական երաժշտության, իմպրովիզացիայի,
հեղինակային երգի, էլեկտրոնային եւ կինո- երաժշտության
անվանակարգերում: Ինչպես «ՆՈՅՅԱՆ ՏԱՊԱՆ»-ի թղթակցին հայտնեցին
միությունից, մրցույթի նպատակն է խրախուսել եւ աջակցել տաղանդավոր
հայ երիտասարդներին:
Հայտերը կարող են ներկայացվել մինչեւ 2005 թ. նոյեմբերի 15-ը,
իսկ հաղթողները հայտնի կդառնան միայն հաջորդ տարվա փետրվարին:
Յուրաքանչյուր անվանակարգի համար սահմանված է 250-ական ԱՄՆ դոլար: