ԵՐԵՎԱՆ, 26 ՕԳՈՍՏՈՍԻ, ՆՈՅՅԱՆ ՏԱՊԱՆ: Բասկետբոլի համահայկական
մրցաշարում որոշվեց առաջին չեմպիոնը: Երեւանի կանանց թիմը,
օգոստոսի 26-ի եզրափակիչ խաղում 84-51 հաշվով հաղթելով Թեհրանի
թիմին, գրավեց 1-ին տեղն ու արժանացավ գլխավոր մրցանակի: Թեհրանի
բասկետբոլիստուհիները բավարարվեցին 2-րդ տեղով: 3-րդ տեղը գրավեց
Գյումրիի թիմը, որը 95-65 հաշվով պարտության մատնեց Թբիլիսիի
թիմին:
Տղամարդկանց մրցումների եզրափակիչում, որը կանցկացվի օգոստոսի
27-ին, կհանդիպեն Վալլեյի եւ Երեւանի բասկետբոլիստները:
Կիսաեզրափակիչում Վալլեյի թիմը 80-73 հաշվով հաղթեց Գլենդեյլի
թիմին, իսկ երեւանցիները 78-63 հաշվով` թբիլիսցիներին: Այժմ
Գլենդեյլի եւ Թբիլիսիի բասկետբոլիստները կվիճարկեն 3-4-րդ տեղերը:
5-6-րդ տեղերը կվիճարկեն Մարսելի եւ Սոչիի, 7-8-րդ տեղերը`
Թեհրանի եւ Գյումրիի ներկայացուցիչները: