ԲԱՍԿԵՏԲՈԼԻՍՏՈՒՀԻՆԵՐԻ ԱՌԱՋՆՈՒԹՅՈՒՆՈՒՄ ԱՌՋԵՎՈՒՄ ԿՐԿԻՆ
«ԳՐԱՆԴ-1»-Ն Է
29-04-2005 20:08:00 | Հայաստան | Սպորտ
ԳՅՈՒՄՐԻ, 29 ԱՊՐԻԼԻ, ՆՈՅՅԱՆ ՏԱՊԱՆ: Գյումրիում անցկացվեց
բասկետբոլի Հայաստանի կանանց առաջնության առաջին շրջանի 1-ին փուլի
մրցաշարը: Գնալով առաջնության մասնակիցների թիվը պակասում է, եւ
այս տարի երկրի չեմպիոնի կոչումը վիճարկում են ընդամը 4 թիմեր:
Առաջին փուլում շահելով բոլոր 3 հանդիպումները` 1-ին տեղը գրավեց
վերջին տարիների անփոփոխ չեմպիոնը` Երեւանի «Գրանդ-1» թիմը: Հաջորդ
տեղերում են Գյումրիի, Արցախի եւ «Գրանդ-2»-ի
բասկետբոլիստուհիները:
Հայաստանի կանանց առաջնության առաջին շրջանի 2-րդ փուլը
կանցկացվի մայիսի վերջին Երեւանում: