ԵՐԵՎԱՆ, 26 ՀՈՒՆՎԱՐԻ, ՆՈՅՅԱՆ ՏԱՊԱՆ: Հայ բիլիարդիստների համաշխարհային ֆեդերացիայի ակումբում (Երեւանի մարզահամերգային համալիր) անցկացվեց բիլիարդի «Ռուսական բուրգ» մարզաձեւի Հայաստանի վետերան բիլիարդիստների առաջնությունը: Մրցումներն անցկացվեցին կիսաօլիմպիական մրցակարգով. 2 պարտություն կրած մասնակիցը դուրս էր մնում պայքարից: 16 բիլիարդիստների 3 օր տեւած մրցապայքարում հաղթեց Սամվել Արիստակեսյանը (Էջմիածին): 2-րդ մրցանակակիր դարձավ Հայաստանի բազմակի չեմպիոն Ռուբեն Փոթիկյանը, 3-րդ մրցանակակիր` Գարուշ Ասատրյանը (2-ն` էլ Երեւան): Բոլոր մրցանակակիրները եւ աչքի ընկած մասնակիցները պարգեւատրվեցին պատվոգրերով, իսկ հովանավորները` բիլիարդի ֆեդերացիան եւ «Արենա» ժամանցային կենտրոնը, նրանց հանձնեցին պարգեւավճարներ:

---