ԵՐԵՎԱՆ, 20 ՀՈՒՆՎԱՐԻ, ՆՈՅՅԱՆ ՏԱՊԱՆ: Երեւանի պետական
համալսարանի մարզական խաղերի դահլիճում հունվարի 20-ին մեկնարկեց
բասկետբոլի պատանեկան թիմերի մրցաշարը, որը նվիրված է նշանավոր
բասկետբոլիստ Վիտալի Զաստուխովի հիշատակին: նա երկար տարիներ
խաղացել է Հայաստանի թիմերում, եղել է Խորհրդային միության
պատանեկան, երիտասարդական եւ ազգային հավաքականների անդամ, նրանց
կազմերում ամենաբարձր տեղեր է նվաճել աշխարհի ու Եվրոպայի
առաջնություններում, քանիցս լավագույն խաղացող է ճանաչվել տարբեր
մրցաշարերում:
Մրցաշարը կազմակերպել եւ անցկացնում է ԵՊՀ-ի Ֆիզկուլտուրայի
ամբիոնը: 2-րդ անգամ անցկացվող մրցաշարին մասնակցում են Երեւանի,
Գյումրիի եւ Նաիրիի 8 թիմեր: Մրցանակակիրները հայտնի կդառնան
հունվարի 24-ին: