ՎԱԽՃԱՆՎԵԼ Է ԷՎԵՐԵՍՏՆ ԱՌԱՋԻՆԸ ՆՎԱՃԱԾ ԷԴՄՈՒՆԴ ՀԻԼԼԱՐԻՆ
11-01-2008 19:25:00 | Նոր Զելանդիա | Միջազգային
ՎԵԼԼԻՆԳՏՈՆ, 11 ՀՈՒՆՎԱՐԻ, ՆՈՅՅԱՆ ՏԱՊԱՆ: 89 տարեկան հասակում
վախճանվել է Էվերեստն առաջինը նվաճած նորզելանդացի հայտնի
հետազոտող եւ լեռնագնաց Էդմունդ Հիլլարին: Այս մասին հայտնել է
երկրի վարչապետ Հելեն Քլարկը: Ըստ նրա, «լեգենդար լեռնագնաց,
արկածներ որոնող եւ ֆիլանտրոպ» Էդմունդ Հիլլարին «երբեւէ ապրած
բոլոր նորզելանդացիներից ամենահայտնին» է:
1953 թվականի մայիսին նա նեպալցի Տենսինգ Նորգեյի հետ միասին
առաջինն էր, որ գրավեց «աշխարհի գագաթը»` Էվերեստը (Ջոմոլունգման):
Այդ ժամանակվանից երկրագնդի ամենաբարձր կետում եղել է 1200-ից
ավելի մարդ աշխարհի 63 երկրներից: