ՎԻԼՆՅՈՒՍ, 13 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Լիտվայի Սեյմը
դեկտեմբերի 13-ին հավանություն է տվել վարչական իրավախախտումների
օրենսգրքի ուղղումներին, որոնք խստացնում են վարորդների
պատասխանատվությունը ճանապարհային երթեւեկության կանոնների խախտման
համար, հաղորդում է «Ինտերֆաքսը»:
«Մասնավորապես, օրենքում ամրագրված է, որ 2008 թվականի սկզբից
ալկոհոլի կամ թմրադեղերի ազդեցության տակ գտնվելու ժամանակ
ավտոմեքենա վարելու համար, եթե վարորդը արդեն ենթարկվել է վարչական
պատժի, նա երեքից չորս տարի ժամկետով կզրկվի ավտոմեքենա վարելու
իրավունքից փոխադրամիջոցի բռնագրավմամբ»,- հայտնել են Սեյմի մամլո
ծառայությունում: