ԿՈՆԴՈԼԻԶԱ ՌԱՅՍԻ ԿԱՐԾԻՔՈՎ, ԺՈՂՈՎՐԴԱՎԱՐԱԿԱՆ ԳՈՐԾԸՆԹԱՑՆԵՐԸ
ՌՈՒՍԱՍՏԱՆՈՒՄ «ԵՏՔԱՅԼ ԵՆ ԱՐԵԼ»
12-12-2007 18:56:00 | ԱՄՆ | Միջազգային
ՎԱՇԻՆԳՏՈՆ, 12 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Ժողովրդավարական
գործընթացները Ռուսաստանում «ետքայլ են արել»,- պնդում է ԱՄՆ-ի
պետքարտուղար Կոնդոլիզա Ռայսը: «Յու-Էս-Էյ թուդեյ» թերթում
հրապարակված հարցազրույցում ամերիկյան դիվանագիտության ղեկավարը
հայտարարել է, որ «նույնիսկ Պետդումայի ընտրությունները չէին
համապատասխանում միջազգային ստանդարտներին»:
Ըստ նրա, Ռուսաստանում «ընդդիմությանը շատ դժվար է
իրականացնել իր գործունեությունը»: Ընտրությունների
նախապատրաստության շրջանում «նրա համար դժվարություններ կային
մամուլի մատչելիության, հավաքների անցկացման հետ կապված, նրա
մարդկանց ձերբակալում էին»: «Դա այն իրավիճակը չէ, որի դեպքում
կարելի է խոսել ազատ եւ ազնիվ ընտրությունների մասին»,- հայտարարել
է Կոնդոլիզա Ռայսը: