ՀԱՅԱՍՏԱՆՑԻ ԳՐՈՍՄԱՅՍՏԵՐ ԼԵՎՈՆ ԱՐՈՆՅԱՆԸ ՄՏԵԼ Է ՇԱԽՄԱՏԻ
ԱՇԽԱՐՀԻ ԳԱՎԱԹԻ ԽԱՂԱՐԿՈՒԹՅԱՆ 2-ՐԴ ՓՈՒԼ
26-11-2007 18:15:00 | Հայաստան | Սպորտ
ԵՐԵՎԱՆ, 26 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Ռուսաստանի
Խանտիմայնսիյսկ քաղաքում նոյեմբերի 24-ին մեկնարկել է «Նոկաուտ»
մրցակարգով աշխարհի գավաթի հերթական խաղարկությունը: Աշխարհի
ներկայիս գավաթակիր Լեւոն Արոնյանը առաջին փուլի 2 պարտիաներում
հաղթեց ՖԻԴԵ-ի վարպետ, արգենտինացի Խուան Պաբլո Հոբարիկային եւ
մտավ 2-րդ փուլ: Հայաստանի շախմատիստներից աշխարհի նախկին
փոխչեմպիոն Վլադիմիր Հակոբյանը առաջին փուլում ոչ-ոքի խաղաց
միջազգային վարպետ Անտոն Ֆիլիպովի (Ուզբեկստան), մինչեւ 20
տարեկանների 2006թ աշխարհի չեմպիոն Զավեն Անդրիասյանը` գրոսմայստեր
Ալեքսանդր Պոնիշչուկի (ԱՄՆ), իսկ ամերիկաբնակ Վարուժան Հակոբյանը`
Միխայիլ Ռոյզի (Իսրայել) հետ: Նշված երեք շախմատիստները հոկտեմբերի
26-ին նույն մրցակիցների հետ կանցկացնեն արագ շախմատի լրացուցիչ
2 պարտիա: Եթե կրկին ոչ-ոքի գրանցվի, ապա հաղթողին
որոշելու համար, մրցակարգի համաձայն, կանցկացվի կայծակնային պարտիա: