2007Թ. 10 ԱՄԻՍՆԵՐԻՆ ՀԱՅԱՍՏԱՆՈՒՄ ՄԻԳՐԱՑԻԱՅԻ ԲԱՑԱՍԱԿԱՆ
ՍԱԼԴՈՆ ՆԱԽՈՐԴ ՏԱՐՎԱ ՆՈՒՅՆ ԺԱՄԱՆԱԿԱՀԱՏՎԱԾԻ ՀԱՄԵՄԱՏ ԱՃԵԼ Է
63,4%-ՈՎ
22-11-2007 14:30:00 | Հայաստան | Հասարակություն
ԵՐԵՎԱՆ, 22 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Հայաստանում 2007թ.
հունվար-հոկտեմբեր ամիսներին միգրացիայի բացասական սալդոն կազմել է
42,3 հազար մարդ, ինչը նախորդ տարվա նույն ժամանակահատվածի
ցուցանիշից 16,4 հազարով կամ 63,4%-ով ավելի է: Ընթացիկ տարում
միգրացիայի դրական սալդո է գրանցվել հունիս, հուլիս, հոտեմբերին
ամիսներին` կազմելով, համապատասխանաբար, 9600, 4900, 8000 մարդ:
Այս մասին «ՆՈՅՅԱՆ ՏԱՊԱՆ»-ի թղթակցին հայտնեց ՀՀ Տարածքային
կառավարման նախարարության Միգրացիոն գործակալության Միգրացիոն
ծրագրերի բաժնի գլխավոր մասնագետ Վիկտոր Սոլախյանը: Նա հայտնեց
նաեւ, որ տարեցտարի աճում են ուղեւորահոսքերի ծավալները: Ընթացիկ
տարվա հունվար-հոկտեմբերին ուղեւորահոսքերի ընդհանուր ծավալը
կազմել է 2 մլն 137 հազար մարդ, ինչը նախորդ տարվա նույն
ժամանակահատվածի համեմատ ավելի է 549 հազարով կամ 34,5%-ով: