ԲՈԼՈՐ ՀԱՅ ԲՌՆՑՔԱՄԱՐՏԻԿՆԵՐԸ ՄՐՑԱՆԱԿՆԵՐՈՎ ՎԵՐԱԴԱՐՁԱՆ
ԻՆԴՈՒՇԵԹԻԱՅԻՑ
24-11-2004 10:28:00 | Հայաստան | Սպորտ
ԵՐԵՎԱՆ, 24 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Ինգուշեթիայի մայրաքաղաք
Նազրանում անցկացված բռնցքամարտի միջազգային մրցաշարում հաջող
հանդես եկավ Հայաստանի վերակազմավորված հավաքականը, որի բոլոր 9
անդամները մրցանակային տեղեր գրավեցին:
Առավել հաջող էին Գաբրիել Տոլմաջյանի ( 54 կգ քաշային կարգ),
Հրաչյա Ջավախյանի (60 կգ) եւ Արտյոմ Հովհաննիսյանի (69 կգ)
մրցելույթները. նրանք առավելության հասնելով իրենց բոլոր
մրցակիցների նկատմամբ, դարձան միջազգային մրցաշարի հաղթողներ: 2-րդ
մրցանակների արժանացան Հարություն Թովմասյանը (57 կգ) եւ Սամվել
Մաթեւոսյանը (69 կգ): 3-րդ մրցանակակիրներ դարձան Հովհաննես
Դանիելյանը (48 կգ), Վաչագան Ավագյանը (51կգ), Անդրանիկ Հակոբյանը
(75 կգ) եւ Աշոտ Հակոբյանը (81 կգ):