ՎԵՏԵՐԱՆՆԵՐԻ ԱՌԱՋՆՈՒԹՅՈՒՆՈՒՄ ԱՌԱՋԱՏԱՐԸ ԼԱՎՐԵՆՏԻ ՂԱՐԻԲՅԱՆՆ Է
11-11-2004 18:36:00 | Հայաստան | Սպորտ
ԵՐԵՎԱՆ, 11 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Տիգրան Պետրոսյանի անվան
շախմատիստի կենտրոնական տանն ընթանում է Հայաստանի վետերան
շախմատիստների անդրանիկ առաջնությունը: Մրցաշարը, որի մասնակիցների
թվում կան սպորտի վարպետներ ու վարպետության թեկնածուներ,
անցկացվում է շվեյցարական խաղակարգով, 8 մրցափուլով:
Հինգ մրցափուլից հետո միանձնյա առաջատարը Լավրենտի Ղարիբյանն
է, որը հաղթանակ է տոնել իր բոլոր հանդիպումներում եւ վաստակել 5
միավոր: 2-4-րդ տեղերը 4-ական միավորով բաժանում են Ֆելիքս
Թումանյանը, Բորիս Ջահգելդյանը եւ Ֆելիքս Գաբրիելյանը: 3,5 միավոր
ունի Ստեփան Բալայանը, իսկ 4 մասնակիցներ վաստակել են 3-ական
միավոր: