ԱՇՏԱՐԱԿԻ «ՄԻԿԱՆ» ԴԱՐՁԱՎ ՀԱՅԱՍՏԱՆԻ ԱՌԱՋՆՈՒԹՅԱՆ ԱՐԾԱԹԵ
ՄԵԴԱԼԱԿԻՐ
03-11-2004 18:30:00 | Հայաստան | Սպորտ
ԵՐԵՎԱՆ, 3 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Հայաստանի ֆուտբոլի
առաջնության ավարտից 4 մրցափուլ առաջ հայտնի էր դարձել չեմպիոնը.
դա Երեւանի «Փյունիկն» է : Եվ ահա նոյեմբերի 2-ին կայացած
նախավերջին` 27-րդ, մրցափուլում որոշվեց նաեւ արծաթե մեդալակիրը:
Աշտարակի «Միկան», Գյումրիում մրցելով տեղի «Շիրակի» հետ, ոչ-ոքի`
0-0 հաշվով ավարտեց հանդիպումը եւ վաստակելով 49 միավոր`
անհասանելի դարձավ հետապնդողների համար:
Մրցափուլի մյուս խաղերում գրանցվեցին այսպիսի արդյունքներ.
«Բանանց» (Երեւան) - «Փյունիկ» (Երեւան)` 1-1, «Արարատ» (Երեւան) -
«Կոտայք» (Աբովյան)` 1-0, «Դինամո-Զենիթ» (Երեւան) - «Կիլիկիա»
(Երեւան)` 0-1:
Բրոնզե մեդալների համար պայքար է գնում «Բանանցի» եւ
«Արարատի» միջեւ, որոնք այժմ ունեն 42-ական միավոր: Լուրջ
մրցակցություն է ընթանում նաեւ մրցաշարային աղյուսակի
վերջնամասում. «Շիրակը», «Կիլիկիան» եւ «Կոտայքը» պայքարում են
բարձրագույն խմբում մնալու համար: