ՀԱՐՈՒԹՅՈՒՆ ԽԱՉԱՏՐՅԱՆԻ «ՎԱՎԵՐԳՐՈՂԸ» ԿՑՈՒՑԱԴՐՎԻ ՖՐԱՆՍԻԱՅՈՒՄ
ԵՎ ԻՍՊԱնԻԱՅՈՒՄ ԿԱՅԱՆԱԼԻՔ ԿԻՆՈՓԱՌԱՏՈՆԵՐՈՒՄ
29-10-2004 16:15:00 | Հայաստան | Մշակույթ
ԵՐԵՎԱՆ, 29 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Փարիզում հոկտեմբերի
28-ից նոյեմբերի 7-ը անցկացվող «Միջազգային հանդիպումներ
Փարիզ-Բեռլին» 8-րդ միջազգային կինոփառատոնում կցուցադրվի նաեւ
կինոռեժիսոր Հարություն Խաչատրյանի «Վավերագրողը» ֆիլմը: Ինչպես
«ՆՈՅՅԱՆ ՏԱՊԱՆ»-ի թղթակցին հայտնեց Հայաստանի կինոլրագրողների եւ
կինոգետների ասոցիացիայի նախագահ Սուսաննա Հարությունյանը, ֆիլմը
ցուցադրվելու է Փարիզի հայտնի «Grande Halle de la Villette»,
«Cinemateque» եւ «Entrepot» կինոթատրոններում:
Ավելի ուշ «Վավերագրողը» կներկայցվի նաեւ նոյեմբերի 28-ից
դեկտեմբերի 4-ը իսպանական Բիլբաո քաղաքում կայանալիք ավանդական
«ZINEB» վավերագրական ֆիլմերի միջազգային կինոփառատոնում:
Իսպանիայում կինոնկարը կցուցադրվի Գուգենհայմ հայտնի թանգարանում`
փառատոնի հատուկ ծրագրերի շրջանակներում: