ՀԱՅԱՍՏԱՆԻ ՏՂԱՄԱՐԴԿԱՆՑ ԹԻՄԸ ՀԱՂԹԵՑ, ԿԱՆԱՆՑԸ` ՊԱՐՏՎԵՑ
27-10-2004 19:52:00 | Հայաստան | Սպորտ
ԵՐԵՎԱՆ, 27 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Իսպանիայի Կալվիա
քաղաքում ընթացող շախմատի 36-րդ համաշխարհային օլիմպիադայում նոր
հաջողության հասավ Հայաստանի տղամարդկանց հավաքականը: 11-րդ
մրցափուլում հայ շախմատիստները 2,5-1,5 հաշվով պարտության մատնեցին
Շվեյցարիայի հավաքականին: Իրենց հանդիպումները ոչ-ոքի ավարտեցին
Վլադիմիր Հակոբյանը, Լեւոն արոնյանը, եւ Գաբրիել Սարգսյանը, իսկ
հաղթական միավորը թիմին բերեց Ռաֆայել Վահանյանը: Այս
օլիմպիադայում հայկական շախմատի վետերանը հիանալի է խաղում. նա 9
հանդիպումներում վաստակել է 7,5 միավոր: Այս հաղթանակից հետո
Հայաստանի հավաքականը ունի 29 միավոր եւ ընթանում է 3-րդ տեղում:
Առաջատարը Ուկրաինայի թիմն է (32 միավոր), երկրորդ տեղում է
Ռուսաստանի թիմը (29,5 միավոր):
Հայաստանի կանանց հավաքականը նույն մրցափուլում 1-2 հաշվով
պարտություն կրեց Ռուսաստանի թիմից: Թիմի առաջատարը`
Էլինա Դանիելյանը, շահեց իրհանդիպումը, իսկ Լիլիթ Մկրտչյանն ու
Սիրանուշ Անդրեասյանը պարտվեցին: Այժմ, երբ օլիմպիադայի ավարտին
մնացել է 3 մրցափուլ, Հայաստանի շախմատիստուհիները 19,5 միավորով
տեղ են զբզղեցնում աղյուսակի 2-րդ տասնյակի միջնամասում:
Մրցապայքարը վստահորեն գլխավորում է Չինաստանի հավաքականը, որը 26
միավոր է վաստակել: Նրան հաջորդում են Վրաստանի (22 միավոր),
Հունգարիայի եւ ԱՄՆ-ի (21,5- ական միավոր) հավաքականները:
Օլիմպիադայի 12-րդ մրցափուլում Հայաստանի տղամարդիկ
կմրցեն ԱՄՆ-ի, իսկ կանայք` Սլովակիայի շախմատիստների հետ: