ԵՐԵՎԱՆ, 18 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Երկշաբաթյա ընդմիջումից
հետո, որը պայմանավորված էր աշխարհի առաջնության ընտրական
մրցաշարում Հայաստանի հավաքականի մասնակցությամբ, վերսկսվեց երկրի
ֆուտբոլի առաջնությունը: Առաջատարը` Երեւանի «Փյունիկը»,
Հանրապետական մարզադաշտում ընդունելով Գյումրիի «Շիրակ»-ին, 6-1
հաշվով հաղթանակ տարավ եւ փաստորեն ապահովեց չեմպիոնական կոչումը:
Մյուս խաղերում գրանցվեցին արդյունքներ. «Միկա» (Աշտարակ) -
«Կոտայք» (Աբովյան)` 1-1, «Արարատ» (Երեւան) - «Դինամո-Զենիթ»
(Երեւան)` 4-1, «Կիլիկիա» (Երեւան) - «Բանանց» (Երեւան)` 3-2:
24-րդ մրցափուլից հետո աղյուսակը շարունակում է գլխավորել
«Փյունիկ»-ը, որը 60 միավոր է վաստակել: 2-րդ տեղում ընթացող
«Միկա»-ն ունի 44, իսկ եռյակը եզրափակող «Բանանց»-ը` 37 միավոր: