ՄԱԿԵԴՈՆԻԱՅՈՒՄ ՀԱՅԱՍՏԱՆԻ ՊԱՏԱՆԻ ՖՈՒՏԲՈԼԻՍՏՆԵՐԸ ԿՊԱՅՔԱՐԵՆ
ԵՎՈՐՊԱՅԻ ԱՌԱՋՆՈՒԹՅԱՆ ԵՐԿՐՈՐԴ ՓՈՒԼ ԱՆՑՆԵԼՈՒ ՀԱՄԱՐ
27-09-2004 19:32:00 | Հայաստան | Սպորտ
ԵՐԵՎԱՆ, 27 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Սեպտեմբերի 28-ից
հոկտեմբերի 2-ը Մակեդոնիայում կանցկացվի 2004-05 թթ. Եվրոպայի 19
տարեկան ֆուտբոլիստների առաջնության առաջին ընտրական փուլի
մրցաշար, որին կմասնակցի Հայաստանի հավաքականը: 4-րդ խմբում նրա
մրցակիցներն են Ֆրանսիայի, Մակեդոնիայի եւ Ադրբեջանի
հավաքականները:
Հայաստանի ֆուտբոլիստներն այդ թիմերի հետ վերոհիշյալ
հերթականությամբ կմրցեն սեպտեմբերի 28-ին, 30-ին, հոկտեմբերի 2-ին:
Երկրորդ ընտրական փուլին մասնակցելու իրավունք կստանան խմբում 1-ին
եւ 2-րդ տեղերը գրաված հավաքականները:
Հայաստանի հավաքականը մրցավայր է մեկնել Երեւանում անցկացված
ուսումնամարզային հավաքից հետո: Հավաքին մասնակցած 22
ֆուտբոլիստներից ընտրվել են 18-ը: