ԳՐՈՍՄԱՅՍՏԵՐ ՎԼԱԴԻՄԻՐ ՀԱԿՈԲՅԱՆԸ ԴԱՐՁԱՎ ԼՈԶԱՆԻ ՄԻՋԱԶԳԱՅԻՆ
ՄՐՑԱՇԱՐԻ ԵՐԿՐՈՐԴ ՄՐՑԱՆԱԿԱԿԻՐ
22-09-2004 14:30:00 | Հայաստան | Սպորտ
ԵՐԵՎԱՆ, 22 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Շվեյցարիայի Լոզան
քաղաքում անցկացված միջազգային խոշոր մրցաշարում հաջող հանդես եկան
Հայաստանի շախմատիստները: Գրոսմայստեր Վլադիմիր Հակոբյանը եւս
երկու մասնակիցների հետ 7 հնարավորից վաստակեց 6 միավոր եւ բաժանեց
1-3-րդ տեղերը: Լրացուցիչ ցուցանիշներով Հակոբյանը զբաղեցրեց 2-րդ
տեղը: Պատանի գրոսմայստեր Տիգրան Լ. Պետրոսյանը 5,5 միավորով
գրավեց 4-րդ տեղը` առաջ անցնելով մի խումբ ճանաչված
շախմատիստներից: Մրցաշարի ավարտից հետո Վ.Հակոբյանը մեկնեց
Շվեյցարիայի մեկ այլ քաղաք` Բրիսագո, որտեղ սեպտեմբերի 24-ին
կմեկնարկի աշխարհի առաջնության Կրամնիկ-Լեկո մրցախաղը: Հայ
շախմատիստը կլինի Պետեր Լեկոյի մարտավկաներից մեկը: