ՀԱՅԱՍՏԱՆԻ ՊԱՏԱՆԻ ԲՌՆՑՔԱՄԱՐՏԻԿՆԵՐԸ ՄԵԴԱԼՆԵՐ ՆՎԱՃԵՑԻՆ
ԵՎՐՈՊԱՅԻ ԱՌԱՋՆՈՒԹՅՈՒՆՈՒՄ
20-09-2004 18:55:00 | Հայաստան | Սպորտ
ԵՐԵՎԱՆ, 20 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Ռուսաստանի Սարատով
քաղաքում անցկացված բռնցքամարտի Եվրոպայի պատանեկան
առաջնությունում հաջող հանդես եկան Հայաստանի ներկայացուցիչները:
Մարզիչ Ֆեդյա Ալեքսանյանի գլխավորած հավաքականի 9 անդամներից 3-ը
դարձան մրցանակակիրներ:
Առավել հաջող հանդես եկավ երեւանցի Ազատ Հովհաննիսյանը (52 կգ
քաշային կարգ), որը իր բոլոր մրցակիցներին հաղթելով, նվաճեց
Եվրոպայի չեմպիոնի կոչումը: Իրենց քաշային կարգերում 3-րդ
մրցանակակիրներ դարձան եւ բրոնզե մեդալների արժանացան սեւանցի
Սամվել Բարսեղյանը (46 կգ) եւ վանաձորցի Վաղարշակ Ասլանյանը (86
կգ):