ԵՐԵՎԱՆ, 6 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Երեւանի
հեծանվահրապարակում 7-րդ անգամ անցկացվեց Խորհրդային միության
առաջնությունների մրցանակակիր, միջազգային մրցաշարերի հաղթող,
միջազգային կարգի սպորտի վարպետ Սողոմոն Քեփեկյանի մրցանակների
խաղարկությունը:
Այս անգամ մրցասպարեզ մտան շուրջ 30 հեծանվորդներ, որոնք
մրցեցին 3 ձեւերում: 500 մ ընթացքից վազքում հաղթեց Հենրիկ
Սիմոնյանը, իսկ 200 մ ընթացքից վազքում եւ խմբակային 50 շրջանով, 5
միջանկյալ եզրագծով վազքում լավագույնը Սուրեն Չաթոյանն էր: Հենց
վերջինս էլ հաղթող ճանաչվեց ընդհանուր հաշվարկում: Երկրորդ տեղը
գրավեց Հենրիկ Սիմոնյանը, երրորդը` Արթուր Գրիգորյանը: Ընդ որում 3
մրցանակակիրներ էլ ներկայացնում են «Հայաստան» մարզական
միությունը: Սողոմոն Քեփեկյանը մրցանակակիրներին հանձնեց նվերներ,
հատուկ մարզահագուստ, ինչպես նաեւ դրամական պարգեւներ:
Պարգեւատրվեցին նաեւ մարզիչ Գրիշա Մուրադյանը եւ մրցումների
ամենակրտսեր մասնակիցը` 13-ամյա Սուրեն Պետրոսյանը: