ՀԱՅԱՍՏԱՆԻ ՖՈՒՏԲՈԼԻ ՀԱՎԱՔԱԿԱՆԸ ՖԻՖԱ-Ի ԴԱՍԱԿԱՐԳՄԱՆ ՑՈՒՑԱԿՈՒՄ
119-ՐԴՆ Է
02-09-2004 18:00:00 | Հայաստան | Սպորտ
ԵՐԵՎԱՆ, 2 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Ֆուտբոլի միջազգային
ֆեդերացիան (ՖԻՖԱ) հրապարակել է ազգային հավաքականների դասակարգման
հերթական ցուցակը:
Կրկին առջեւում աշխարհի հնգակի չեմպիոն Բրազիլիայի հավաքականն
է: Առաջին տասնյակում տեղեր են զբաղեցնում նաեւ Ֆրանսիայի,
Իսպանիայի, Արգենտինայի, Չեխիայի, Հոլանդիայի, Անգլիայի,
Մեքսիկայի, Իտալիայի եւ ԱՄՆ-ի հավաքականները:
Սեպտեմբերի 1-ի դրությամբ Հայաստանի հավաքականը ՖԻՖԱ-ի
ցուցակում զբաղեցնում է 119-րդ տեղը: Մակեդոնիայի թիմից կրած
պարտության պատճառով նախորդ` օգոստոսյան, դասակարգման
համեմատությամբ թիմը նահանջել է 3 հորիզոնականով:
Աշխարհի առաջնության ընտրական մրցաշարում Հայաստանի
հավաքականի մրցակիցներն այսպիսի տեղեր են գրավում ՖԻՖԱ-ի
ցուցակում. Չեխիա` 5-րդ, Հոլանդիա` 6-րդ, Ռումինիա` 32-րդ,
Ֆինլանդիա` 53-րդ, Մակեդոնիա` 88-րդ, Անդորրա` 148-րդ: