ՍՏԵՓԱՆԱԿԵՐՏ,ԵՐԵՎԱՆ, 1 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Այս տարի ԼՂՀ Երգի-պարի եւ Էստրադային պետական համույթները հյուրախաղերով հանդես են եկել Ֆրանսիայում, իսկ Ստեփանակերտի երաժշտական ուսումնարանի սաները` մերձբալթյան երկրներում: Ինչպես «ՆՈՅՅԱՆ ՏԱՊԱՆ»-ի թղթակցի հետ զրույցում նշեց ԼՂՀ կրթության, մշակույթի եւ սպորտի նախարար Արմեն Սարգսյանը, տարեցտարի ավելի ընդգրկուն է դառնում հանրապետությունում վարվող մշակութային քաղաքականությունը: Այդ համատեքստում նշվեց, որ այս ամիս Ստեփանակերտում սկսվելու են սիմֆոնիկ նվագախմբի ստեղծման աշխատանքները:

---