ԵՐԵՎԱՆ, 30 ՕԳՈՍՏՈՍԻ, ՆՈՅՅԱՆ ՏԱՊԱՆ: Անցկացվեցին ֆուտբոլի
Հայաստանի առաջնության բարձրագույն խմբի 17-րդ մրցափուլի խաղերը:
Երկրի չեմպիոնը եւ առաջատարը` Երեւանի «Փյունիկը», Գյումրիում
4-1 հաշվով հաղթելով տեղի «Շիրակին», շարունակում է վստահորեն
գլխավորել մրցաշարային աղյուսակը: Մյուս 3 հանդիպումներում,
այսպիսի արդյունքներ գրանցվեցին. «Բանանց» (Երեւան) -
«Կիլիկիա»(Երեւան)` 2-1, «Արարատ» (Երեւան) - «Դինամո-Զենիթ»
(Երեւան)` 2-0, «Կոտայք» (Աբովյան) - «Միկա» (Աշտարակ)` 0-0:
17 մրցափուլից հետո թիմերն աղյուսակում տեղեր են զբաղեցնում
հետեւյալ հաջորդականությամբ. 1. «Փյունիկ»` 45, 2. «Միկա»` 36, 3.
«Բանանց»` 27, 4. «Արարատ»` 26, 5. «Դինամո-Զենիթ»` 20, 6.
«Կոտայք»` 13, 7. «Կիլիկիա»` 11, 8. «Շիրակ»` 10 միավոր:
Հաջորդ` 18-րդ, մրցափուլի խաղերը կկայանան սեպտեմբերի 2-3-ին: