ՍԵՊՏԵՄԲԵՐԻ 10-ԻՆ ԵՐԵՎԱՆՈՒՄ ԿԿԱՅԱՆԱ ՀԱՅԿԱԿԱՆ ԺԱՄԱՆԱԿԱԿԻՑ
ԿԻՐԱՌԱԿԱՆ ԱՐՎԵՍՏԻ ՆՄՈՒՇՆԵՐԻ ՑՈՒՑԱՀԱՆԴԵՍ-ՎԱՃԱՌՔ
24-08-2004 18:35:00 | Հայաստան | Մշակույթ
ԵՐԵՎԱՆ, 24 ՕԳՈՍՏՈՍԻ, ՆՈՅՅԱՆ ՏԱՊԱՆ: Երեւանի Թերջան
հյուրանոցում սեպտեմբերի 10-ին կկազմակերպվի հայկական ժամանակակից
կիրառական արվեստի նմուշների "Մետաքսե ճանապարհ" երրորդ
ցուցահանդես-վաճառքը: Կներկայացվեն Երեւանի պետական գեղարվեստի
ակադեմիայի պրոֆեսոր Նունե Աղբալյանի եւ դիզայներ Գեւորգ Շադոյանի
աշխատանքները: Հին հայկական նախշազարդերով ժամանակակից ոճի
զգեստերի, մետաքսե փողկապների, կրծքազարդերի այդ հավաքածուն
Հայաստանում կներկայացվի առաջին անգամ: Այդ աշխատանքները
կցուցադրվեն նաեւ հոկտեմբերին Բոստոնում (ԱՄՆ) կայանալիք
նորաձեւության ցուցահանդեսին:
Արվեստի այս ոլորտը, որը կոչվում է բատիկ կամ «նկարչություն
կտորի վրա», Հայաստանում մեծ ճանաչում է սկսել ստանալ հիմնականում
Ն.Աղբալյանի շնորհիվ: Բացի Հայաստանից, պրոֆեսորը իր աշխատանքները
ներկայացրել է նաեւ Ռուսաստանում, Ֆրանսիայում, Գերմանիայում,
Ավստրիայում եւ մի շարք այլ երկրներում: