ԼԻՏՎԱՅՈՒՄ ԱՆՑԿԱՑՎՈՂ ՄԻՋԱԶԳԱՅԻՆ ՄՐՑԱՇԱՐՈՒՄ ՀԱՅԱՍՏԱՆԻ ՊԱՏԱՆԻ
ՖՈՒՏԲՈԼԻՍՏՆԵՐԸ ՈՉ ՈՔԻ ԽԱՂԱՑԻՆ ՌՈՒՍԱՍՏԱՆԻ ՀԱՎԱՔԱԿԱՆԻ ՀԵՏ
19-08-2004 19:12:00 | Հայաստան | Սպորտ
ԵՐԵՎԱՆ, 19 ՕԳՈՍՏՈՍԻ, ՆՈՅՅԱՆ ՏԱՊԱՆ: Հայաստանի մինչեւ 17
տարեկանների հավաքականը մարզիչ Արմեն Գյուլբուդաղյանցի
գլխավորությամբ այս օրերին Լիտվայում մասնակցում է մինչեւ 17
տարեկանների հավաքականների 11-րդ միջազգային մրցաշարին: Հայաստանի
թիմն այնտե հանդիպումներ է ունենալու Ռուսաստանի, Բելառուսի եւ
Լատվիայի հավաքականների հետ:
Հայաստանի հավաքականը օգոստոսի 19-ին հանդիպում է ունեցել
Ռուսաստանի հավաքականի հետ: 12-րդ րոպեին ռուս ֆուտբոլիստները
բացել են խաղի հաշիվը, իսկ 47-րդ րոպեին երկրորդ գնդակն են
ուղարկել Հայաստանի հավաքականի դարպասը: 71-րդ րոպեին Արտակ
Հովհաննիսյանը կրճատել է հաշվի տարբերությունը, իսկ 79-րդ րոպեին
Ալիկ Խաչատրյանը հավասարեցրել է այն:
Ինչպես «ՆՈՅՅԱՆ ՏԱՊԱՆ»-ին հայտնեցին Հայաստանի ֆուտբոլի
ֆեդերացիայի Մամուլի քարտուղարությունից, օգոստոսի 21-ին Հայաստանի
հավաքականը կհանդիպի Բելառուսի հավաքականի հետ: