ՌՈԲԵՐՏ ՄԻԿՈՅԱՆԸ ՆՎԱՃԵՑ ԱՎԱՆԴԱԿԱՆ ՄՐՑԱՇԱՐԻ ԳԼԽԱՎՈՐ ՄՐՑԱՆԱԿԸ
31-05-2004 17:00:00 | Հայաստան | Սպորտ
ԵՐԵՎԱՆ, 31 ՄԱՅԻՍԻ, ՆՈՅՅԱՆ ՏԱՊԱՆ: Արդեն 12-րդ անգամ
Արտաշատում անցկացվեց ազատամարտիկ Գառնիկ Ղուկասյանի հիշատակին
նվիրված աթլետիկայի մրցաշարը, որին մասնակցեցին Հայաստանի 11
համայնքների ավելի քան 180 մարզիկներ:
Հատկապես բարձր արդյունքներ ցույց տվեց ճանաչված ատլետ Արմեն
Մարտիրոսյանը (Գյումրի), որը հաղթեց հեռացատկի եւ եռացատկի
մրցումներում: Կրկնակի հաղթանակներ տարան նաեւ վանաձորցիներ Մարինե
Ղազարյանը (100 եւ 200 մ վազք), Մերի Ձավարյանը (800 եւ 1500 մ
վազք), Զաքար Նազարյանը (200 մ վազք եւ 400 մ արգելավազք),
երեւանցիներ Աննա Բաբայանը (հեռացատկ եւ եռացատկ) եւ Տատյանա
Սիմաշովան (սկավառակի նետում, գնդի հրում): Հուշամրցաշարի գլխավոր
մրցանակը նվաճեց Ռոբերտ Միկոյանը (Երեւան), որը հաթող դարձավ 1500
մետր վազքատարածությունում:
Հուշամրցաշարի հովանավորը` «Վեդի-Ալկո» ընկերությունը,
մրցանակային տեղեր գրաված մասնակիցներին պարգեւներ հանձնեց:
Հայաստանի 7 ուժեղագույն ատլետներ հունիսի 2-ին հանդես կգան
Ստամբուլում կայանալիք օլիմպիական վարկանիշային մրցաշարում: