ԵՐԵՎԱՆ, 25 ՄԱՅԻՍԻ, ՆՈՅՅԱՆ ՏԱՊԱՆ: Ավարտվեց շախմատի Հայաստանի կանանց առաջնության 1-ին խմբի մրցաշարը, ուր բարձրագույն խմբի 3 ուղեգրերի համար մրցեցին ՀՀ տարբեր մարզերի ու քաղաքների 30 ներկայացուցիչներ: Շվեյցարական խաղակարգով անցկացված մրցաշարի 9 մրցափուլերում վաստակելով 6,5-ական միավոր` 1-ին եւ 2-րդ տեղերը բաժանեցին վանաձորցի շախմատիստուհիներ Լիանա Աղաբեկյանը եւ Լիա Մարտիրոսյանը: Մրցաշարի հաղթողի կոչումը շնորհվեց Լ. Աղաբեկյանին, որի մրցաշարային գործակիցներն ավելի բարձր էին: 6 մասնակիցներ վաստակեցին 6 միավոր` բաժանելով 3-8-րդ տեղերը: Բարձր լրացուցիչ ցուցանիշների շնորհիվ Լուսինե Ապրեսյանը գրավեց 3-րդ տեղը: 1-ին, 2-րդ եւ 3-րդ տեղեր գրաված շախմատիստուհիները իրավունք ստացան մասնակցելու շախմատի Հայաստանի կանանց առաջնության բարձրագույն խմբի մրցաշարին:

---