ՇԱԽՄԱՏԻ ՀՀ ԱՌԱՋՆՈՒԹՅԱՆ ԱՌԱՋԻՆ ԽՄԲԻ ՄՐՑԱՇԱՐՈՒՄ ԱՌՋԵՎՈՒՄ 6
ՄԱՍՆԱԿԻՑՆԵՐ ԵՆ
21-05-2004 17:42:00 | Հայաստան | Սպորտ
ԵՐԵՎԱՆ, 21 ՄԱՅԻՍԻ, ՆՈՅՅԱՆ ՏԱՊԱՆ: Տիգրան Պետրոսյանի անվան
շախմատիստի կենտրոնական տանը շարունակվում է կանանց հանրապետական
առաջնության առաջին խմբի մրցաշարը:
Հինգ մրցափուլից հետո առջեւում են Լուսինե Ալավերդյանը,
Սաթենիկ Ալթունյանը, Նունե Դարբինյանը (բոլորը` Երեւան), Լուսինե
Ապրեսյանը (Հրազդան), Անի Ավանեսյանը (Սյունիք), եւ Լիանա
Աղաբեկյանը (Լոռի), որոնք վաստակել են 4-ական միավոր:
Առաջատարներից կես միավորով ետ են մնում Լիա Մարտիրոսյանը (Լոռի)
եւ Մարիաննա Գասպարյանը (Շիրակ):
Մրցաշարի ավարտին մնացել է 4 մրցափուլ: Հայաստանի կանանց
առաջնության բարձրագույն խմբի մրցաշարի 3 ուղեգրերի տերերը հայտնի
կդառնանա մայիսի 24-ին: