ՀԱՅՏՆԻ ԵՆ ՀԱՅԱՍՏԱՆԻ ՇԱԽՄԱՏԻՍՏՈՒՀԻՆԵՐԻ ԱՌԱՋԻՆ ՄՐՑԱԿԻՑՆԵՐԸ
20-05-2004 17:10:00 | Հայաստան | Սպորտ
ԵՐԵՎԱՆ, 20 ՄԱՅԻՍԻ, ՆՈՅՅԱՆ ՏԱՊԱՆ: Մայիսի 21-ին Կալմիկիայի
մայրաքաղաք Էլիստայում կմեկնարկի շախմատի աշխարհի կանանց անհատական
առաջնությունը: 64 շախմատիստուհիներ չեմպիոնին կորոշեն «նոկաուտ»
համակարգով անցկացվող մրցումներում. բոլոր փուլերում կանցկացվեն
փոքրիկ մրցախաղեր, որոնցում հաղթողները կշարունակեն պայքարը:
Մայիսի 20-ին մրցավայր մեկնեցին առաջնության մասնակից
Հայաստանի 2 ներկայացուցիչները` գրոսմայստերներ Էլինա Դանիելյանը
եւ Լիլիթ Մկրտչյանը, եւ մարզիչներ Արսեն Եղիազարյանը եւ Արա
Մինասյանը: Առաջնության 1-ին փուլում Է.Դանիելյանը մրցելու է Ելենա
Սեդինայի (Իտալիա), իսկ Լ.Մկրտչյանը` Մոնիկա Սոչկոյի (Լեհաստան)
հետ: