ՇԱԽՄԱՏԻ ԱՇԽԱՐՀԻ ԿԱՆԱՆՑ ԱՌԱՋՆՈՒԹՅՈՒՆԸ ԿԱՆՑԿԱՑՎԻ ԲԱԹՈՒՄՈՒՄ
08-04-2004 16:24:00 | Շվեյցարիա | Սպորտ
ԺՆԵՎ, 8 ԱՊՐԻԼԻ, ՆՈՅՅԱՆ ՏԱՊԱՆ: Շախմատի աշխարհի կանանց
2004թ.-ի առաջնությունը նախապես որոշվել էր անցկացնել Թբիլիսիում:
Սակայն, Վրաստանում տեղի ունեցած իշխանափոխությունից հետո առաջացան
նոր տարբերակներ: Վկայակոչելով Վրաստանի շախմատային ֆեդերացիային
ՖԻԴԵ-ն տեղեկացնում է, որ Աջարիայի նախագահ Ասլան Աբաշիձեն տվել է
իր համաձայնությունը` առաջնությունը Բաթումում անցկացնելու
վերաբերյալ: Նախատեսվում է, որ մրցաշարը կսկսվի մայիս ամսին:
Առաջիկայում ՖԻԴԵ-ն կհաստատի առաջնության անցկացման ստույգ
ժամկետները:
Աշխարհի առաջնությունը կընթանա «նոկաուտ» մրցակարգով.
չեմպիոնուհու կոչումը կվիճարկեն 64 շախմատիստուհիներ: Մասնակիցների
թվում կլինեն նաեւ Հայաստանի 2 ներկայացուցիչներ` գրոսմայստերներ
Էլինա Դանիելյանը եւ Լիլիթ Մկրտչյանը:
Աշխարհի առաջնության մրցանակային հիմնադրամը 450 հազար ԱՄՆ
դոլար է: