ՏԻԳՐԱՆ ՊԵՏՐՈՍՅԱՆԻ 75-ԱՄՅԱԿԸ ՀԱՅԱՍՏԱՆՈՒՄ ԿՆՇՎԻ ՊԵՏԱԿԱՆ
ՄԱԿԱՐԴԱԿՈՎ
14-01-2004 19:14:00 | Հայաստան | Սպորտ
ԵՐԵՎԱՆ, 14 ՀՈՒՆՎԱՐԻ, ՆՈՅՅԱՆ ՏԱՊԱՆ: Այս տարի լրանում է
հանճարեղ շախմատիստ, աշխարհի 9-րդ չեմպիոն Տիգրան Պետրոսյանի
ծննդյան 75-ամյակը: Շախմատի միջազգային ֆեդերացիան (ՖԻԴԵ) այդ
կապակցությամբ 2004թ.-ը հայտարարել է Տիգրան Պետրոսյանի տարի:
Պետական մակարդակով այդ հոբելյանը կնշվի նաեւ Հայաստանում:
Այդ նպատակով ՀՀ վարչապետ Անդրանիկ Մարգարյանի որոշմամբ ստեղծվել է
հոբելյանական հանձնաժողով` հետեւյալ կազմով. Սերժ Սարգսյան` ՀՀ
պաշտպանության նախարար, Հայաստանի շախմատային ֆեդերացիայի
հոգաբարձուների խորհրդի նախագահ (հանձնաժողովի նախագահ), Իշխան
Զաքարյան` ՀՀ կառավարությանն առընթեր Ֆիզիկական կուլտուրայի եւ
սպորտի պետական կոմիտեի նախագահ, Պավել Սաֆարյան` ՀՀ ֆինանսների եւ
էկոնոմիկայի նախարարի առաջին տեղակալ, Ա.Կարապետյան` ՀՀ
կառավարության աշխատակազմի սոցիալական հարցերի վարչության պետ,
Մ.Մաթեւոսյան` Երեւանի քաղաքապետի տեղակալ, Է.Միլիտոնյան` ՀՀ
մշակույթի եւ երիտասարդության հարցերի նախարարության աշխատակազմի
հրատարակչական գործի գործակալության պետ, Վ.Զաքարյան` Հայաստանի
շախմատային ֆեդերացիայի նախագահ, ՖԻԴԵ-ի փոխնախագահ, Հ.Թավադյան`
Երեւանի Տիգրան Պետրոսյանի անվան Շախմատիստի կենտրոնական տան
տնօրեն, Ս.Լպուտյան` միջազգային գրոսմայստեր, Գ.Հովհաննիսյան`
Հայաստանի շախմատային ֆեդերացիայի գլխավոր քարտուղար, ՖԻԴԵ-ի
եվրոպական 5-րդ գոտու նախագահ (հանձնաժողովի քարտուղար):