«ՄԻԿԱՆ» ԿՈՐՑՐԵՑ ՄՐՑԱՆԱԿԱՅԻՆ ՏԵՂ ԶԲԱՂԵՑՆԵԼՈՒ
ՀՆԱՐԱՎՈՐՈՒԹՅՈՒՆԸ
18-11-2003 17:56:00 | Հայաստան | Սպորտ
ԵՐԵՎԱՆ, 18 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Նոյեմբերի 18-ին
անցկացվեցին ֆուտբոլի Հայաստանի առաջնության բարձրագույն խմբի
մրցաշարի նախավերջին մրցափուլի խաղերը:
Արդեն հայտնի են երկրի չեմպիոնն ու 2-րդ մրցանակակիրը`
Երեւանի «Փյունիկը» եւ «Բանանցը»: 3-րդ մրցանակակրին որոշելու
համար կարեւոր նշանակություն ուներ այս մրցափուլի «Միկա» -
«Փյունիկ» հանդիպումը: Խաղն ավարտվեց 1-1 հաշվով, ինչը «Միկային»
փաստորեն զրկեց մրցանակային 3-րդ տեղից: Իսկ այդ տեղի մյուս
հավակնորդը` «Շիրակը», 3-0 հաշվով հաղթեց «Կոտայքին» եւ 2 միավորով
առաջ անցավ «Միկայից»:
Մրցափուլի մյուս խաղերում գրանցվեցին այսպիսի արդյունքներ.
«Դինամո-2000» - «Արաքս»` 2-2, «Լեռնագործ» - «Բանանց»` 0-7: Այս
վերջին հանդիպման ժամանակ Արամ եւ Արա Հակոբյան եղբայրները 3-ական
անգամ գրավեցին մրցակցի դարպասը: Առաջնության գլխավոր ռմբարկու Արա
Հակոբյանն իր խփած գնդակների թիվը հասցրեց 45-ի:
27 մրցափուլից հետո թիմերը առաջնության աղյուսակում տեղեր են
զբաղեցնում հետեւյալ հերթականությամբ. «Փյունիկ» (Երեւան)` 71,
«Բանանց» (Երեւան)` 63, «Շիրակ» (Գյումրի)` 50, «Միկա» (Աշտարակ)`
48, «Կոտայք» (Աբովյան)` 31, «Դինամո-2000» (Երեւան)` 19,
«Լեռնագործ» (Կապան)` 15, «Արաքս» (Արարատ)` 9 միավոր:
Բարձրագույն խմբի մրցաշարի վերջին խաղերը կանցկացվեն
նոյեմբերի 22-ին: