ՀԱՅԱՍՏԱՆԻ ՊԱՏԱՆԻ ՇԱԽՄԱՏԻՍՏՆԵՐԸ ՇԱՐՈՒՆԱԿՈՒՄ ԵՆ ՀԱՋՈՂ
ՄՐՑԵԼՈՒՅԹՆԵՐԸ ԵՎՐՈՊԱՅԻ ԱՌԱՋՆՈՒԹՅՈՒՆՈՒՄ
28-10-2003 18:14:00 | Հայաստան | Սպորտ
ԵՐԵՎԱՆ, 28 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Հունաստանում ընթացող
շախմատի Եվրոպայի պատանեկան առաջնությունում անցկացվեցին 5-րդ
մրցափուլի հանդիպումները: Հայաստանի 16 ներկայացուցիչներից մի
քանիսը կարողացան հաղթանակներ տանել ու ամրապնդվել իրենց խմբերի
առաջատարների շարքերում:
Առավել հաջող է խաղում մինչեւ 18 տարեկանների խմբում հանդես
եկող Լեւոն Բաբուջյանը, որը վաստակել է 4,5 միավոր եւ բաժանում է
1-ին տեղը: Իրենց տարիքային խմբերի մրցաշարային աղյուսակի վերին
հորիզոնականներում են նաեւ 4-ական միավոր վաստակած Հայկ Թամազյանը,
Գրիգոր Դիլանյանը, Ռուբեն Գաթրջյանը (10 տարեկանների խումբ),
Ռոբերտ Հովհաննիսյանը (12 տ.): Մեր աղջիկներից առավել բարձր
արդյունքը Լուսինե Թորոսյանն ունի. նա 3 միավոր է վաստակել:
Առաջնության ավարտին մնացել է 6 մրցափուլ: