Արցախը շահագրգռուած է արտերկրից ժամանակակից տեխնոլոգիաների
ու ներդրումների ներգրաւմամբ
03-02-2011 18:02:00 | Հայաստան | Տնտեսութիւն
ՍՏԵՓԱՆԱԿԵՐՏ, 3 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Լեռնային Ղարաբաղի
հանրապետութեան նախագահ Բակո Սահակեանի հետ Սլովակիայից,
Աուստրիայից եւ Չեխիայից ժամանած մի խումբ գործարարների փետրուարի
3-ի հանդիպման ընթացքում քննարկուել են Արցախում տարբեր ծրագրերի
իրականացման հետ կապուած հարցեր:
Յատուկ ուշադրութիւն է յատկացուել էներգետիկայի,
գիւղատնտեսութեան եւ շինարարութեան ոլորտներին, ինչպէս նաեւ
կադրերի պատրաստման ու վերապատրաստման հարցերին:
Ինչպէս «ՆՏ»-ին յայտնեցին ԼՂՀ նախագահի աշխատակազմի
Տեղեկատուութեան գլխաւոր վարչութիւնից Բ.Սահակեանը նշել է, որ
Արցախը շահագրգռուած է արտերկրից ժամանակակից տեխնոլոգիաների ու
ներդրումների ներգրաւման եւ փոխշահավետ համագործակցութեան մէջ,
ինչի համար երկրում ստեղծուած են բոլոր պայմանները:
ԴԱՍ. ՀԱՅԵՐԵՆ 
Հայերեն
Русский
English
French