ՀՀ սփիւռքի նախարարի հանդիպումը հայ-սիրիական գործարար խորհրդի ղեկավարների հետ
18-09-2012 13:46:23 | Հայաստան | Մամլո հաղորդագրություն
Սեպտեմբերի 17-ին Հայաստանի Հանրապետութեան սփիւռքի նախարար Հրանոյշ Յակոբեանն ընդունեց Սիրիայի առեւտրի պալատի խորհրդի անդամ, հայ-սիրիական գործարար խորհրդի նախագահ Լեւոն Զաքի Ետալեանին եւ Դեր Զօրում ՀՀ պատուոյ հիւպատոս, հայ-սիրիական գործարար խորհրդի փոխնախագահ Սուրէն Վարդանեանին:
Քննարկուեցին Հայաստանում ապաստանած սիրիահայերին յուզող մի շարք հարցեր: Ներկայումս գործազրկութեան հարցը շարունակում է մնալ ամէնից արդիականը: Հիւրերը ներկայացրին Հայաստանում սիրահայերի` աշխատանքով ապահովման եւ սոցիալական խնդիրների լուծման իրենց տեսլականը: Հանդիպման ընթացքում նախանշուեցին հնարաւոր ուղիներ եւ մօտեցումներ, որոնց իրականացումը հնարաւոր կը դարձնի հարցի արդիւնաւէտ լուծումը:
Նախարար Հ. Յակոբեանը հիւրերին հաւաստիացրեց, որ սիրիահայերին վերաբերող հարցերը, ՀՀ նախագահ Սերժ Սարգսեանի յանձնարարութեամբ, ՀՀ բոլոր գերատեսչութիւնների եւ յատկապէս ՀՀ սփիւռքի նախարարութեան անմիջական հետեւողականութեան առանցքում են:
ԴԱՍ. ՀԱՅԵՐԵՆ 
Հայերեն
Русский
English
French