Հաստատուել է «Մասնագիտական կրթութեան որակի ապահովման ազգային
կենտրոն»-ի 2011թ. տարեկան բիւջէի նախահաշիվը
15-02-2011 18:12:00 | Հայաստան | Հասարակութիւն
ԵՐԵՎԱՆ, 15 ՓԵՏՐՈՒԱՐԻ, ՆՈՅԵԱՆ ՏԱՊԱՆ: «Մասնագիտական կրթութեան
որակի ապահովման ազգային կենտրոն» (ՈԱԱԿ) հիմնադրամի
հոգաբարձուների խորհրդի փետրուարի 15-ի նիստում, որը վարել է
վարչապետ, հոգաբարձուների խորհրդի նախագահ Տիգրան Սարգսեանը,
քննարկուել եւ ֆինանսների նախարարութեան դիտողութիւններով հանդերձ
հաստատուել է հիմնադրամի 2011թ. տարեկան բիւջէի նախահաշիվը:
Հիմնադրամի տնօրէն Ռուբէն Թոփչյանը հոգաբարձուների խորհրդին է
ներկայացրել Հայաստանում նախնական, միջին եւ բարձրագոյն
ուսումնական հաստատութիւնների կրթութեան որակի արտաքին գնահատման`
ինստիտուցիոնալ ու ծրագրային հաւատարմագրման կարգի նախագիծը:
Անդրադառնալով այդ երկու գործընթացների իրականացման մանրամասներին,
խորհրդի անդամները քննարկել են ՀՀ-ում ինստիտուցիոնալ ու ծրագրային
հաւատարմագրման անցումային փուլի առանձնահատկությունները, ինչպէս
նաեւ ուսումնական հաստատութիւններում այդ ուղղութեամբ փորձնական
ծրագրի իրականացման հնարաւորութիւնները: Ծաւալուած մտքերի
փոխանակման ընթացքում հնչեել են մի շարք հարցադրումներ եւ
առաջարկութիւններ նախագծի բովանդակութեան վերաբերեալ:
Ամփոփելով արուած դիտողութիւնները, Տ.Սարգսեանը յանձնարարել է
կրթութեան եւ գիտութեան նախարարին ՈԱԱԿ-ի հիմնադրամի տնօրէնի հետ
համատեղ վերանայել նախագիծն ու վերամշակուած տարբերակը ներկայացնել
խորհրդի քննարկմանը:
Ինչպէս «ՆՏ»-ին յայտնեցին ՀՀ կառավարութեան Տեղեկատուութեան եւ
հասարակայնութեան հետ կապերի վարչութիւնից, նիստում արծարծուել են
նաեւ կազմակերպչական հարցեր: Մասնաւորապէս, քննարկուել է հիմնադրամի
կանոնադրական նպատակների իրագործման համար գործունէութեան տարածքի
ընդլայնման հարցը: