Մայր Աթոռ Սուրբ Էջմիածնում մատուցուել է Սուրբ Պատարագ Հայոց
բանակի օրուայ առիթով
27-01-2011 20:22:00 | Հայաստան | Հասարակութիւն
ԷՋՄԻԱԾԻՆ, 27 ՅՈՒՆՎԱՐԻ, ՆՈՅԵԱՆ ՏԱՊԱՆ: Յունվարի 27-ին` Բանակի
օրուայ առիթով, Մայր Աթոռ Սուրբ Էջմիածնում Գարեգին Բ Ծայրագոյն
Պատրիարք եւ Ամենայն Հայոց Կաթողիկոսի հանդիսապետութեամբ,
աւանդոյթի համաձայն, մատուցուեց Սուրբ Պատարագ: Պատարագիչն էր
Բանակի հոգեւոր առաջնորդ Տ. Վրթանէս եպիսկոպոս Աբրահամեանը:
Սրբազան արարողութեանը ներկայ էին Հայ Եկեղեցու թեմակալ
առաջնորդներ, Մայր Աթոռի միաբաններ, ՀՀ Պաշտպանութեան նախարար
Սեյրան Օհանյանը, ՀՀ բանակի բարձրագոյն սպայական կազմի անդամներ:
Արարողութեան ընթացքում Վրթանէս Սրբազանը յաւուր պատշաճի
ներկայացրեց հայոց բանակի կարեւորութիւնն ու դերը մեր
պետականութեան պահպանման եւ ամրապնդման գործում: Սրբազան հայրն իր
խօսքում մասնաւորապէս նշեց. «Ցանկացած երկրի զօրութիւնը,
խաղաղութիւնը հաստատողն ու ամրապնդողը բանակն է: Քանի դեռ երկրի
վրայ տիեզերածավալ խաղաղութիւն եւ մարդկանց միջեւ հաճություն չի
հաստատուել, բանակն անհրաժեշտ պայման է մնում պետութիւնների ներքին
անդորրն ապահովելու համար: գ Աղանդների մի ամբողջ շարք քարօզում է
հեռու մնալ զենքից եւ կոչ անում զէնքի չդիմել` թշնամու կողմից մեր
երկրի ու ընտանիքների պղծվելու դէպքում անգամ: Դրա փոխարէն հայ
եկեղեցականը, ինչպէս պատմութեան ոլորապտույտներում, այնպէս էլ
այսօր մի կողմից իր գործնական լուման է բերում երկրի պաշտպանութեան
գործին` ծառայելով բանակում եւ իր բարոյական զորակցությունը ցոյց
տալով զինվորին, միւս կողմիցն եկեղեցում աղօթք բարձրացնելով հայ
զորականի եւ զորավարի անսասանութեան եւ ուժականության համար»:
Ս. Պատարագից յետոյ տեղի ունեցաւ պաշտօնական ընդունելություն,
որի ընթացքում Ամենայն Հայոց Կաթողիկոսն իր հայրապետական
օրհնութիւնն ու բարեմաղթանքները հղեց ներկաներին:
«Գեղեցիկ աւանդոյթ է ձեւաւորուել, որ ամէն տարի բանակի օրուայ
կապակցութեամբ Հայոց բանակի հրամանատարական կազմը, գլխաւորութեամբ
ՀՀ Պաշտպանութեան նախարար Սեյրան Օհանեանի, գալիս է Մայր աթոռ
Սուրբ Էջմիածին` իր աղօթքն առ Աստուած բարձրացնելու եւ իր ուխտը
Սուրբ սեղանի առջեւ կատարելու հավատավոր հայ զավակների եւ Մայր
Աթոռ Սուրբ Էջմիածնի միաբանների հետ: Աղօթելու եւ հայցելու, որ
Տերն անսասան պահի Հայաստան երկիրը եւ հզօր ու յաղթական հայոց
բանակը: Հայրենիքը հայոց նուիրական սուրբ հողն է` դարերի
պատմութեամբ նվիրագործված, մեր հայրերի ու զավակների սուրբ
արիւնով նվիրագործված: Հայրենիքը նաեւ մեր մշակոյթն է, մեր
հոգեւոր արժէքները, մեր եկեղեցին, հայոց ընտանիքն ու հայ մարդը,
որի պաշտպանութեանը կոչուած է ծառայելու հայոց բանակը: Ահա թէ ինչու
մենք նուիրական պարտք ենք համարում հանապազօրյա աղօթք բարձրացնել առ
Աստուած, որպէսզի բանակը միշտ լինի զորեղ ու յաղթական» - նշեց
Վեհափառ Հայրապետը:
Այնուհետեւ Նորին Սրբութիւնը Հայ Եկեղեցու «Սբ. Ներսէս
Շնորհալի» պատւոյ շքանշանով պարգեւատրեց ՀՀ ՊՆ առաջին տեղակալ,
փոխնախարար գնդապետ Դ.Տոնոյանին եւ ՀՀ զու Գլխաւոր շտաբի առաջին
տեղակալ գեներալ-լեյտենանտ Է.Ապրիամովին: