Աւարտուել է «Աստուածաշունչ դպրոցներին» ծրագրի առաջին փուլը
26-11-2015 14:59:02 | | Հասարակութիւն
Ն.Ս.Օ.Տ.Տ. Գարեգին Բ Ծայրագոյն Պատրիարք եւ Ամենայն Հայոց Կաթողիկոսի օրհնութեամբ ու ՀՀ Կրթութեան եւ գիտութեան նախարար Արմէն Աշոտեանի աջակցութեամբ, Մայր Աթոռ Սուրբ Էջմիածնի Քրիստոնէական դաստիարակութեան կենտրոնը եւ Հայաստանի Աստուածաշնչային ընկերութիւնը 2015 թ. հոկտեմբերի 22-ից սկսեալ իրականացրեցին «Աստուածաշունչ դպրոցներին» ծրագրի առաջին փուլը:
Ծրագրի շրջանակներում տեղի ունեցան հանդիպումներ Սիւնիքի, Վայոց Ձորի, Կոտայքի, Արմաւիրի, Տաւուշի, Շիրակի մարզերի հանրակրթական դպրոցների «Հայոց Եկեղեցու պատմութիւն» առարկայ դասաւանդող շուրջ 1000 ուսուցիչների հետ: Այդ առիթով նրանց ընծայուեցին Աստուածաշունչ մատեաններ:
Նոյեմբերի 25-ին ՔԴԿ տնօրէն Գերաշնորհ Տ. Վարդան եպիսկոպոս Նաւասարդեանն ու Հայաստանի Աստուածաշնչային ընկերութեան ծրագրերի պատասխանատու Արշաւիր Գաբուջեանն առաջին փուլի ամփոփման կապակցութեամբ հանդիպում ունեցան ՀՀ Կրթութեան եւ գիտութեան նախարար Արմէն Աշոտեանի հետ:
Զրոյցի ընթացքում անդրադարձ կատարուեց ծրագրի արդիւնաւէտութեանը, յաջող ընթացքին, ինչպէս նաեւ նշուեց, որ ծրագիրը մեծ խանդավառութիւն է առաջացրել մասնակից ուսուցիչների շրջանակներում:
Ծրագրի երկրորդ փուլի իրականացումը նախատեսւում է 2016 թ. գարնանը:
ԴԱՍ. ՀԱՅԵՐԵՆ 
Հայերեն
Русский
English
French
