Ռոստովի էկոնոմիկայի եւ կառավարման միջազգային ինստիտուտում
տոնեցին Դոնի Նախիջեւան քաղաքի 230-ամեակը
23-10-2009 17:00:00 | Ռուսաստան | Մշակոյթ
ԴՈՆԻ ՌՈՍՏՈՎ, 23 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ - ՀԱՅԵՐՆ ԱՅՍՕՐ:
Ռոստովի էկոնոմիկայի եւ կառավարման միջազգային ինստիտուտում հիմք
դրուեց ուսանողական գիտաժողովներ անցկացնելու նոր աւանդոյթի,
նուիրուած ԱՊՀ երկրների դարակազմիկ տարեթուերին կամ պետական տոներին:
Առաջին նշանաւոր յոբելեանը, որ նշուեց ինստիտուտում, Դոնի Նախիջեւան
քաղաքի, իբրեւ Ռուսաստանի հայութեան կենտրոնի եւ ռուս-հայկական
ազգամիջեան յարաբերութիւնների ռազմավարական գործընկերոջ,
230-ամեակի տոնակատարությունն էր:
Ինչպէս հաղորդում է miasin.ru-ն, գիտաժողովին ներկայ էին
Ուկրաինայի եւ Ռումինիայի հիւպատոսները, քաղաքային դումայի
պատգամաւորներ, Նոր Նախիջեւանի վարչակազմի, կազակութեան եւ հայ
համայնքի ներկայացուցիչներ: Միջոցառումն անցկացւում էր մի քանի
ուղղութիւններով` զեկուցումների ընթերցում, մշակոյթային ծրագիր եւ
ուսանողների ու գիտաժողովի հիւրերի զրույց Սուրբ Աստուածածին
եկեղեցու (Ռոստովի մարզի Մեծ Սալեր գիւղ) քահանա Տեր-Անանիայի
(Բաբայեան) հետ: